Serat saking ibu

Nduk ndang bali…

Sesasi luwih tak tunggu tekamu

Mung esemmu sing tak jaluk cah ayu…

     Mrenea cah ayu,

     Aku ngerti kowe wong penting ing kana,

     nanging apa Aku ora penting?

Nduk piye kahananmu?

Apa sehat lan seger kawarasan?

Dongaku saben bengi kanggo awakmu

Nanging apa kowe tahu donga kanggo aku nduk?

     Suwe ora ngabari

Jaremu saiki kowe diwenehi amanah gedhe nduk..

Aku melu seneng, aku melu bangga

Ealah…Nanging endi Amanahmu marang aku? Apa kowe lali?

Aku saiki ngerti nduk, jebul kowe aktivis…

Aktivis apa pasifis ibu ora mudeng ndung

Ibu mung karep kowe bali sepisan iki…