gumuyune wengi

Wengi iki aku ora isa merem…

Tikus-tikus glodhakan ing lumbung pari kang kothong blong

Tetesing banyu udan wis kaya kudeta napoleon

Apa maneh swara kresek…kresek saka radio lawas iku jan kegawa impen

Angin uga melu ngoyak dhebog gedhang ing kebon buri

Tanpa isin, sang Wulan sabit isih gumuyu marang kahanan

Jan…edan tenan wengi iki

            Weruh-weruh aku tangi…

            Ora tangi amrerga swara jago kluruk kan nangike Bandung Bandawasa

            Ora uga amerga Azan ing Musala nagrep

            Ora..ora…..Anakku nangis jaluk susu

            Ora…ora…Mbakyune durung bayar spp telung sasi

Aku tangi, mung gumuyu

Nyetel radio lawas kang nyiarake mundhake rega beras

Nyawang korang bungkus gorengan, hem.. foto presidhen gumuyu

Tak Pisuh foto bapakke kang ora tau bali

Lan gumuyu maneh…