SLENDHANG BIRU

Mega mendung kang gumantung ing bumi sekaran

Lazuardi isih geguyon marang dewa udan, lali

Bocah loro lumaku kanthi ayu

Sumebyar kayata srikandhi nyolong stroberi

Swara emprit tansah ngiringi ngelmuku

      Lungguh, leren

      Kotak-kotak kayata jokowi

      Semlorot cahyane kaya Arjuna

      Mbabar ngelmu kaya Abiyasa

      Tinitah Agung saka panguwasa

Bocah Ayu, ora duwe dosa

Stroberi dijikuk kanggo lazuardi

Biru kaya janur iku

Mbengkelung sadalan-dalan ngundang angin

      Tangan madhep awang-awang

      Slendang biru bros kembang mawar

      Esemku krungu “seet”

      Noleh…selendangku nyatane isih putih kang?

      Mau sapa? Esemku ilang ngendhang angin maneh