Ngarsaning Gusti

Ngubenging donya iki

Tansah lumaku kaliyan rasa

Rasaning sukur lan asor

Pralambang awujud marang Gusti

Rasaning raga, raganing rasa

Amanunggal marang Sang Hyang

Anggabdi ing manah abdi

Tansah lumaku ing soma-respati ku

Ing 1/3 nelingsir wengi

Sawang sinawang marang kang nitih kencana

Nyebar rahmat kanggo kang tangi

Kang nelesi rai karo banyuning surga

Ing 1/3 lingsiring wengi

sumeleh ati…sumeleh jiwa

nalika kabehing awak tumemplek lemah

aku kelingan pati...

Ngawiti meleke raga, jiwa, lan sukma

Klawan dzikir marang marang pengeran

Ingkang tansah paring panguripan lan kabegjan

Ingkang tansah paring sesandhangan iman lumawan jiwa

      Yen dirasa, akih kang krasa

      Krasa wis apik uripe, apik imane

      Yen dipikir, akih kang seneng mikir

      Mikir eleke liyan,tanpa weruh bosoke dhewe

Duh…

minangka padha apal qur’an hadiste

Nanging ora tau digagas lan diamalke

Ya, Namung sulaya blaka ta

      Mumpung durung keblanjur

Mumpung isih isa ngrogoh ati

      Yo, para kanca padha gegandhengan

      Bebarengan ngaji hakikat urip

Njur…

Mungkasi unjaling napas klawan sektine kalimat loro

Mangertosi sejatine pati jroning urip, lan pati jroning urip

Mesthia padha waspada lan mawas diri